1 ақпан күні сағат 18.00-де Алматыда Әскер үйінің Мәрмәр залында Ербосын Мелдібековтің «Боран – Байқоңыр, Жібек жолы мен Құс жолының арасы» атты жеке көрмесінің ашылуы болады.
Кураторы – Дастан Қожахметов.
Жобаның бас демеушілері: Серік Толықпаев және Aitas Foundation корпоративтік қоры. Көрме серіктесі – Целинный заманауи мәдениет орталығы.
Ербосын Мелдібеков бірнеше жыл бұрын «Орталық Азия – ғарышта еш мақсатсыз қалқып жүрген ескі, сынық, тот басқан «Байқоңыр» ғарыш айлағынан ұшырылған ғаламшараралық «Боран» кемесінің дәл өзі деген метафораны тұжырымдаған. «Боран – Байқоңыр,...» көрмесі – суретші идеяларының көрнекі дамуы, оның іргелі көркемдік ойының жиынтығы, өйткені қысылтаяң уақытта тек принципті тұжырымдар талап етіледі және қабылданады.
Әскер үйінің мекенжайы: Зенков көш. 24; ғимарат 28 гвардияшы-панфиловшылар атындағы саябақ аумағында орналасқан. Әскер үйінің Мәрмәр залы екінші қабатта орналасқан. Залға негізгі кіреберістің сол жағында орналасқан баспалдақ арқылы көтерілуге болады.