Бұланды ауданында №2 орта мектеп ғимаратын күрделі жөндеу жүргізілді
Макинск қаласының №2 мектебінің ғимаратын күрделі жөндеу – Қордың өңірді дамытуда катализатор рөлін атқаруының жақсы көрсеткіші. 2020 жылдың басында осы мектептің оқушылары мен ата-аналары мектепте жылу мен ғимараттың жай-күйіне қатысты күрделі проблемалар бар деп алаңдаған болатын. Жергілікті әкімдік олардың шағымын естіп, күрделі жөндеуге қаражат бөлуге дайын болды. Бірақ бұл қыс мезгілі болатын және жөндеу бойынша жобалық-сметалық құжаттаманы дайындау мемлекеттік сатып алудың заңды мәселелеріне байланысты көп уақытты алуы мүмкін еді.
Сол кезде Қор мектепті жөндеу бойынша құжаттарды шұғыл түрде дайындаудағы жауапкершілікті өзіне алды. Осылайша, Қордың тапсырысы бойынша мектепте ғимаратты техникалық тексеру және жұмыс жобасын дайындау бойынша жұмыстар жүргізілді. Жоба дайын болып, сараптама және келісім бойынша барлық рәсімдерден өткеннен кейін, Бұланды ауданының білім бөліміне тапсырылды.
Әкімдік уәде еткендей, ақшаны көп күтуге тура келмеді, 2021 жылдың көктемінде жөндеу жұмыстары мемлекеттік бюджеттен қаржыландырылып, жұмыс жүріп жатты. Жоба екі кезеңнен тұрды, оның біріншісі іске асырылды. Оған ғимаратты нығайту, қасбетті жылыту және қаптау, терезелер мен есіктерді ауыстыру, екі жағы да құламалы жаңа шатырды орнату бойынша сыртқы жұмыстар кірді. Осылайша, осы жобаның арқасында Қор салған 8 млн теңге 220 млн теңге сомасында қосымша мемлекеттік инвестициялар тартты. Оған қоса, олар жобаны іске асыру мерзімін 10-11 айға қысқартуға көмектесті.
Осы қыста көптеген жылдар ішінде алғаш рет гардероб жұмыс істей бастады, онда балалар сыртқы киімдерін қалдырып, мектеп формасымен еркін жүре бастады. Енді олар өз ұстаздарымен бірге 2022 жылдың жазында мектеп ішінде әдемі функционалды дизайны жоспарланып отырған жобаның екінші кезеңін асыға күтуде.